ƏN SON XƏBƏR

Upper Head Image

“Bursagaz” və “Kayserigaz”ın SOCAR Türkiyəyə təhvil-təslimi başa çatdı

Almaniyanın EWE şirkətinin Türkiyədəki törəmə müəssisələrinin SOCAR tərəfindən satın alınması prosesi yekunlaşıb. “SOCAR Türkiyə” İdarə Heyətinin sədri Vaqif Əliyev bununla bağlı deyib: “”Bursagaz”, “Kayserigaz”, “Enervis”, “EWE Enerji” və “Millenicom”, “SOCAR Türkiyə”nin rəhbərliyi altında fəaliyyətlərinə davam edərək Türkiyə və Azərbaycan iqtisadiyyatına dəyər qatacaq”.


EWE Turkey Holding’ə aid olan Bursagaz, Kayserigaz, Enervis, EWE Enerji ve Millenicom’un SOCAR Türkiyə’yə satışı tamamlandı. İmzalanma mərasimində SOCAR Türkiyə İdarə Heyətinin sədri Vaqif Əliyev, SOCAR Türkiyə icraçı direktoru Zaur Qəhrəmanov, EWE AG icraçı direktoru Stefan Dohler, EWE AG baş maliyyə inzibatçısı Wolfgang Mücher ilə iki şirkətin rəhbər şəxsləri qatılmışdır.

2019-cu ilin yanvarında satınalma sənədləri imzalanan və hazırda bu məsələyə dair bütün razılıqların əldə olunduğu 5 şirkət bu gündən etibarən STAR neft emalı zavodu, TANAP, Petkim, “SOCAR Terminal” və Petkim Külək Enerjisi Stansiyasının (KES) da daxil olduğu “SOCAR Türkiyə”nin nəzdində fəaliyyət göstərəcək.

ətraflı oxu TAM XƏBƏR
NewspaperXəbərlər arxivi

SOCAR prezidenti “Honeywell PMT” şirkətinin prezidenti ilə görüşüb

SOCAR Tower-də SOCAR-ın prezidenti Rövnəq Abdullayev ABŞ-ın “Honeywell Performance Materials and Technologies” (“Honeywell PMT”) prezidenti və baş direktoru Raciv Quatamın rəhbərlik etdiyi nüməayəndə heyəti ilə görüşmüşdür.
Qonaqları salamlayan Rövnəq Abdullayev Honeywell PMT şirkətlər qrupuna daxil olan UOP şirkəti ilə SOCAR arasında uzunmüddətli və sıx əməkdaşlıq əlaqələrinin qurulduğunu qeyd etmiş, bu əlaqələrin Türkiyədə STAR neft emalı zavodunun inşası və Heydər Əliyev adına Neft Emalı Zavodunun moderinizasiyası layihələrində daha da dərinləşdiyini bildirmişdir. SOCAR-ın prezidenti UOP təmsilçilərini moderinizasiya prosesində daha aktiv olmağa dəvət etmişdir.

Honeywell PMT şirkətinin prezidenti və baş direktoru Raciv Qautam rəhbərlik etdiyi şirkətin STAR neft emalı zavodunun tikintisi və Heydər Əliyev adına Neft Emalı Zavodunun moderinizasiyası layihəılərində yaxından iştirak etməsindən məmnunluğunu bildirmiş, şirkətə məxsus müasir emal texnologiyalarının Azərbaycanda tətbiqində, həmçinin azərbaycanlı mütəxəssislərin peşə təlimlərinə cəlb edilməsində maraqlı olduğunu vurğulamışdır.

TAM XƏBƏR ətraflı oxu

SOCAR və Equinor şirkətləri “Qarabağ” yatağında yeni platformanın quraşdırılmasına hazırlaşır

İyunun 14-də SOCAR-ın prezidenti Rövnəq Abdullayev SOCAR Tower-də Norveçin Equinor ASA şirkətinin birinci vitse-prezidenti Kerri Lokhart və Equinor-Azərbaycan şirkətinin ölkə üzrə meneceri Fuad Qurayşinin rəhbərlik etdikləri nümayəndə heyətini qəbul etmişdir.
Görüşdə SOCAR və Equinor şirkətləri arasında cari əməkdaşlıq məsələləri, xüsusilə “Qarabağ” yatağının işlənməsi istiqamətində aparılan hazırlıq işlərinin statusu müzakirə olunmuşdur.

Equinor şirkətinin nümayəndələri “Qarabağ” layihəsi üzrə aparılan işlərdə SOCAR-ın CDC (Caspian Drilling Company) şirkətinin iştirakını yüksək qiymətləndirmiş, şirkətin səriştəlilik, təhlükəsizlik və əməyin mühafizəsi sahəsində tətbiq etdiyi standartları təqdir etmişlər. SOCAR və Equinor arasında əməyin mühafizəsinin maksimum gücləndirilməsi istiqamətində təcrübə mübadiləsinin genişləndirilməsi barədə razılıq əldə olunmuşdur.

Qeyd edilmişdir ki, gələn ay “Qarabağ” yatağında qazma işləri aparacaq qurğu və yeni platforma nəzarətdən keçiriləcək, son tənzimləmələr tamamlandıqdan sonra platformanın dənizdə quraşdırılmasına başlanılacaq. Bu istiqamətdə görülən işlərin operativ və qrafikə uyğun şəkildə aparılmasının əhəmiyyəti vurğulanmışdır.

TAM XƏBƏR ətraflı oxu

SOCAR-AMEA əməkdaşlığı çərçivəsində Yüksək Texnologiyalar Parkında müxtəlif təyinatlı sürtkü yağları və digər istehlak məhsulları istehsal olunur

Bu gün SOCAR-ın prezidenti Rövnəq Abdullayev və Şirkət rəhbərliyinin nümayəndələri AMEA Yüksək Texnologiyalar Parkında olmuşlar.
Azərbaycan Milli Elmlər Akademiyasının prezidenti akademik Akif Əlizadə bildirib ki, Yüksək Texnologiyalar Parkı Azərbaycan Respublikasının Prezidenti cənab İlham Əliyevin 8 noyabr 2016-cı il tarixli Sərəncamı ilə yaradılıb və burada müxtəlif təyinatlı innovativ müəssisələr fəaliyyət göstərir.

SOCAR rəhbərliyi ilk növbədə AMEA Strateji Elmi Analitik Sınaq Mərkəzinin fəaliyyəti ilə tanış olmuş, daha sonra “AMEA Təcrübə -Sənaye Zavodu” SOCAR ilə əməkdaşlıq çərçivəsində öz xammal təchizatının bir hissəsini Heydər Əliyev adına Neft Emalı Zavodunun vasitəsi ilə həyata keçirir. Azərbaycanda yüksək keyfiyyətli sürtkü yağları, antikorroziya vasitələri, dizel mühərrik yağları, transmissiya yağları, yanacaq qatqıları, qazma məhlulları kimi müxtəlif çeşidli məhsulları istehsal edən MMC-lər bununla SOCAR-ın dəyər zəncirinin son istehlak məhsullarına çevrilməsində iştirak edirlər.

TAM XƏBƏR ətraflı oxu

Azərbaycan Dövlət Neft Şirkətinə baxış

SOCAR-ı kəşf et

Azərbaycan Respublikası Dövlət Neft Şirkəti (SOCAR) Azərbaycan ərazisindəki neft və qaz yataqlarının axtarışı, kəşfiyyatı və işlənməsi, neftin, qazın və qaz kondensatının hasilatı…

ətraflı oxu

Beynəlxalq reytinq

Beynəlxalq aləmdə investorlar və kredit təşkilatları hər hansı bir şirkətlə əməkdaşlıq etmək istədikdə ilk öncə sözü gedən şirkətin beynəlxalq reytinqini nəzərdən keçirirlər

ətraflı oxu